Aizawl, 20th March, 2026 : Mizoram Food & Allied Industries Corporation Limited (MIFCO) Board of Directors meeting vawi 100-na chu March 20, 2026 chawhma dar 11:00 khan MIFCO Chairman Pu Lalthazuala Rawite hovin a Office Chamber, Khatla-ah neih a ni a, 11.9.2016-a MIFCO BOD Meeting vawi 99-na minute an pawm. 

MIFCO BOD meeting vawi 100-na hian Statutory Audit Report thlir hovin M/S Krishna K & Co. Chartered Accountant, Tuikhuahtlang chu kum 2022-23,  2023-24 leh 2024-25 chhunga MIFCO Accounts Statutory Auditor atan Comptroller & Accounts General of India chuan a ruat a, an ni hian MIFCO Accounts kum thum chhung te an audit zawh hnuah report an buatsaih chu meeting pawmpui tura pharhin pawmpui a ni a. Statutory report a a lan dan chuan  Kum 2025-26 kumah MIFCO chuan cheng Nuai 14 zet hlep a nei a ni.  MIFCO Recruitment Rules (RR) hman mek, kum 1993 atanga hman tawh chu siamthat turin pawmfel a ni bawk.

MIFCO Chairman Pu Lalthazuala Rawite chuan, "Kum 2026 hian Sapthei tui leh lakhuihthei tui sawr bakah Serthlum tui sawr tum a ni a, Baibing leh Rawtuai tin hralhchhuah tur khawp siam kan tum bawk. Zin mite tan engemaw harsatna an tawh pawha riah theihna tur mikhual room chu  Chhingchhip-a MIFCO hmunah siam a ni tawh a. Kum 2026-ah Sapthei Rs.45/- per Kg. in kan lei dawn a, Lakhuihthei hi Rs.18/- per kg. in kan lei bawk ang.  Tun atanga hun rei loteah Sapthei leh lakhuihthei tuite dawra zawrhchhuaha in nghal mai theih (Ready to serve) tura siam mek a ni bawk" a ti.